2015 جىلعى 26 اقپان, استانا قالاسى
تابيعي مەكەندەۋ ورتاسىنان الىنعان بەكىرە تۇقىمداس بالىقتاردى جانە ولاردىڭ ۋىلدىرىعىن مەملەكەتتىك مونوپوليا سۋبەكتىسى بولىپ تابىلاتىن مەملەكەتتىك كاسىپورىننىڭ وتكىزۋ قاعيدالارىن بەكىتۋ تۋرالى
«جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ 9-بابى 1-تارماعىنىڭ 47) تارماقشاسىنا سايكەس بۇيىرامىن:
1. قوسا بەرىلىپ وتىرعان تابيعي مەكەندەۋ ورتاسىنان الىنعان بەكىرە تۇقىمداس بالىقتاردى جانە ولاردىڭ ۋىلدىرىعىن مەملەكەتتىك مونوپوليا سۋبەكتىسى بولىپ تابىلاتىن مەملەكەتتىك كاسىپورىننىڭ وتكىزۋ قاعيدالارى بەكىتىلسىن.
2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپتە:
1) قازاقستان رەسپۋبليكاسىنىڭ ادىلەت مينيسترلىگىندە وسى بۇيرىقتىڭ مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن;
3) وسى بۇيرىقتى قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى اۋىل شارۋاشىلىعى مينيسترلىگىنىڭ جەتەكشىلىك ەتەتىن ۆيتسە-مينيسترىنە جۇكتەلسىن.
4. وسى بۇيرىق العاشقى رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشى س.وماروۆ
«كەلىسىلدى»
قازاقستان رەسپۋبليكاسى ۇلتتىق ەكونوميكا ءمينيسترى
_________________ ە.دوساەۆ
2015 جىلعى 21 ناۋرىز
قازاقستان رەسپۋبليكاسى اۋىل شارۋاشىلىعى ءمينيسترى مىندەتىن اتقارۋشىنىڭ 2015 جىلعى 26 اقپانداعى
№ 18-05/138 بۇيرىعىمەن بەكىتىلگەن
تابيعي مەكەندەۋ ورتاسىنان الىنعان بەكىرە تۇقىمداس بالىقتاردى جانە
ولاردىڭ ۋىلدىرىعىن مەملەكەتتىك مونوپوليا سۋبەكتىسى بولىپ تابىلاتىن مەملەكەتتىك
كاسىپورىننىڭ وتكىزۋ قاعيدالارى
1. جالپى ەرەجەلەر
1. وسى تابيعي مەكەندەۋ ورتاسىنان الىنعان بەكىرە تۇقىمداس بالىقتاردى جانە ولاردىڭ ۋىلدىرىعىن مەملەكەتتىك مونوپوليا سۋبەكتىسى بولىپ تابىلاتىن مەملەكەتتىك كاسىپورىننىڭ وتكىزۋ قاعيدالارى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» قازاقستان رەسپۋبليكاسىنىڭ 2004 جىلعى 9 شىلدەدەگى زاڭىنىڭ (بۇدان ءارى – زاڭ) 9-بابى 1-تارماعىنىڭ 47) تارماقشاسىنا سايكەس ازىرلەنگەن جانە تابيعي مەكەندەۋ ورتاسىنان الىنعان بەكىرە تۇقىمداس بالىقتار مەن ولاردىڭ ۋىلدىرىعىن (بۇدان ءارى - ءونىم) مەملەكەتتىك مونوپوليا سۋبەكتىسى بولىپ تابىلاتىن مەملەكەتتىك كاسىپورىننىڭ (بۇدان ءارى – سۋبەكت) قازاقستان رەسپۋبليكاسىنىڭ سىرتقى جانە ىشكى نارىعىنا وتكىزۋ ءتارتىبىن انىقتايدى.
2. ءونىمدى وتكىزۋ ءتارتىبى
2. وتكىزۋگە ۇسىنىلاتىن ءونىمنىڭ ءتۇر-ءتۇرىن سۋبەكت جۇزەگە اسىراتىن قىزمەتىنىڭ باعىتىنا سايكەس دەربەس ايقىندايدى.
3. سۋبەكتىگە ءونىمدى دايىنداۋ, ساقتاۋ جانە وتكىزۋ جونىندەگى قىزمەتتى جۇزەگە اسىرۋ كەزىندە «ۆەتەريناريا تۋرالى» قازاقستان رەسپۋبليكاسىنىڭ 2002 جىلعى 10 شىلدەدەگى زاڭىنىڭ 8-بابىنىڭ 32) تارماقشاسىنا سايكەس (بۇدان ءارى – ۆەتەريناريا تۋرالى زاڭ) ەسەپكە الۋ ءنومىرى بەرىلەدى.
4. ءونىمدى وتكىزۋ كەزىندە سۋبەكت ءونىمنىڭ تالاپتارعا سايكەستىگىن راستاۋ تۋرالى اقپاراتتى ساتىپ الۋشىنىڭ نازارىنا جەتكىزەدى جانە تۇتىنۋشىعا ونىڭ تالاپ ەتۋى بويىنشا ۆەتەريناريا تۋرالى زاڭىنىڭ 8-بابىنىڭ 46-4) تارماقشاسىنا سايكەس ءونىمنىڭ قاۋىپسىزدىگى تۋرالى ۆەتەريناريالىق سەرتيفيكات جانە «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 62-بابىنىڭ 2-تارماعىنا سايكەس سانيتاريالىق-ەپيدەميولوگيالىق قورىتىندى بەرەدى.
5. زات بەلگىلەردە, قوسىمشا پاراقتاردا جانە وراما ماتەريالدارىنىڭ ستيكەرلەرىندە ءونىمنىڭ تۇرلەرى ەسكەرىلە وتىرىپ, مەملەكەتتىك جانە ورىس تىلدەرىندە:
1) اتاۋى, سالماعى, ءبىر كيلوگرامىنىڭ نەمەسە ءبىر بىرلىگىنىڭ باعاسى تۋرالى;
2) ءونىمنىڭ تاعامدىق قۇندىلىعى (قۇنارلىلىعى, قۇرامىنداعى اق ۋىز, ماي, كومىرتەكتەر) تۋرالى;
3) دايىن ءونىمدى ازىرلەۋ تاسىلدەرى مەن شارتتارى (تاماق ونىمدەرىنىڭ كونسەرۆانتتارى مەن جارتىلاي فابريكاتتارى ءۇشىن) تۋرالى;
4) ساقتاۋ شارتتارى مەن مەرزىمدەرى, سونداي-اق جارامدىلىق مەرزىمدەرى تۋرالى;
5) ءونىمنىڭ دايىندالعان كۇنى مەن ورالعان كۇنى تۋرالى;
6) ءونىمنىڭ قۇرامى تۋرالى مالىمەتتەر كورسەتىلەدى.
6. ۋاكىلەتتى ورگان زاڭنىڭ 11-1-بابىنىڭ 5-تارماعىنا سايكەس سۋبەكت مونوپولياعا قارسى ورگانمەن كەلىسىمدەۋ بويىنشا وتكىزەتىن ءونىمنىڭ باعاسىن بەلگىلەيدى.
7. ءونىمدى وتكىزۋ تاۋارلىق-كولىكتىك جۇك قۇجاتتارى بويىنشا سۋبەكتىنىڭ قويماسىنان عانا جۇرگىزىلەدى.
8. ءونىمدى سۋبەكتىدەن ساتىپ العان جەكە جانە زاڭدى تۇلعالاردىڭ ونى ودان ءارى قايتا وڭدەۋ مەن وتكىزۋدى دەربەس جۇزەگە اسىرۋعا قۇقىعى بار.
9. ىشكى جانە سىرتقى نارىقتاردا بەكىرە تۇقىمداس بالىق تۇرلەرىنىڭ ۋىلدىرىعىن ساتۋ ءۇشىن تاڭبالاۋ زاڭىنىڭ 9-بابى 1-تارماعىنىڭ 22) تارماقشاسىنا سايكەس جۇزەگە اسىرىلادى.
10. ءونىمدى قازاقستان رەسپۋبليكاسىنان تىسقارى جەرلەرگە شىعارۋعا رۇقسات زاڭىنىڭ 9-بابى 1-تارماعىنىڭ 52) تارماقشاسىنا سايكەس بەرىلەدى.
11. ءتىرى كۇيىندە بەكىرە تۇقىمداس بالىق تۇرلەرىن, ولاردىڭ ۇرىقتاندىرىلعان ۋىلدىرىعىن (بۋدانداستىرىلعان تۇرلەرىن قوسپاعاندا) قازاقستان رەسپۋبليكاسىنان تىسقارى جەرلەرگە وتكىزۋ قازاقستان رەسپۋبليكاسى ۇكىمەتىنىڭ شەشىمىمەن جۇزەگە اسىرىلادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10867 بولىپ ەنگىزىلدى.